सरकारमध्ये सावळा गोंधळ- सुप्रिया सुळे

___ सांगली- सत्तेत येण्यापूर्वी कुठे नेऊन ठेवलाय महाराष्ट्र माझा अशी विचारणा भाजप करीत होती. आता त्यांचे सरकार आल्यावर दुष्काळात नेऊन ठेवलाय महाराष्ट्र माझा, अशी सांगण्याची वेळ त्यांच्यावर आली आहे अशी टीका खासदार सुप्रिया सुळे यांनी मुख्यमंत्र्यांवर केली आहे. भाजप सरकारच्या काळात सगळीकडेच फक्त सावळा गोंधळच बघायला मिळत आहे. सांगलीतल्या एका कार्यक्रमात खासदार सुप्रिया सुळे बोलत होत्या. सध्या महाराष्ट्रात भीषण दुष्काळ पडला आहे. पण या सरकारला त्याचे काहीही देणेघेणे नाही. भाजपमध्येच नुसताच सावळा गोंधळ सरकार कोणतेही ठोस काम करताना दिसत नाही. मुख्यमंत्री फक्त मोठमोठाली भाषण ठोकतात. त्यांची कती मात्र शुन्य आहे, अशी टीका करीत सुप्रिया सुळेंनी फडणवीस यांच्यावर निशाणा साधला आहे.